Петербургда мигрант таксистлар аккаунтлари оммавий блокланди
Санкт-Петербургда такси соҳасида чет элликлар фаолиятига жорий этилган чекловлар амалга киргач, қисқа фурсат ичида агрегаторлар томонидан 58 мингдан зиёд мигрант-ҳайдовчи аккаунти ўчириб қўйилди.
Маълум қилинишича, ҳар куни ўртача 20 та қонунсиз таксист аниқланмоқда. Улар мамлакатдан маъмурий тартибда чиқариб юборилиши мумкинлиги ҳақида огоҳлантирилган.
Август ойидан буён такси компанияларида ҳайдовчилар учун бўш иш ўринлари ҳам сезиларли камайган. Агрегаторлар маълумотида айтилишича, ҳайдовчилар сони тахминан 12 фоизга қисқарган, аммо бундай камайиш шаҳар йўлларида транспорт оқимига жиддий таъсир кўрсатмаган.