Альбертини: Чемпионлик учун "Милан" ва "Интер" курашади
Италиянинг "Милан" клуби ва миллий терма жамоасининг собиқ футболчиси Деметрио Альбертини А Сериядаги чемпионлик пойгаси ҳақида ўз фикрларини билдирди. У "Наполи"даги инқирозга қарамай, Антонио Контенинг жамоасини "Милан" ва "Интер"нинг асосий рақиби деб ҳисоблайди, лекин "Ювентус" ва "Рома"нинг имкониятларига ишонмайди.
- "Милан дербисининг натижасидан қатъи назар, "Интер" ва "Милан" чемпионлик учун "Наполи" билан курашади. "Ювентус" ва "Рома" эса орқада қолмоқда", - деди Альбертини calcionapoli1926.it сайтига берган интервьюсида.
Ҳозирда А Серия турнир жадвалида "Интер" пешқадамлик қилмоқда.