Тошкент ва Самарқанд қурилиш бўйича етакчилик қилмоқда
Ўзбекистон Статистика қўмитаси маълумотларига кўра, 2025 йилнинг январь-сентябрь ойларида мамлакат бўйлаб 224,5 триллион сўмлик қурилиш ишлари бажарилган. Бу кўрсаткич ўтган йилга нисбатан 14,2 фоизга ўсган.
Қурилиш ишлари ҳажми бўйича Тошкент шаҳри етакчилик қилмоқда, у ерда 64,1 триллион сўмлик ишлар амалга оширилган. Иккинчи ўринни Тошкент вилояти (25,2 триллион сўм), учинчи ўринни эса Самарқанд вилояти (14,2 триллион сўм) эгаллаган.
Шунингдек, Бухоро вилоятида 13,8 триллион сўмлик ва Фарғона вилоятида 13,7 триллион сўмлик қурилиш ишлари бажарилган. Энг кам қурилиш ишлари Сирдарё вилоятида (4,4 триллион сўм) ва Жиззах вилоятида (5,9 триллион сўм) қайд этилган.