56 метрлик муз остига тушиб, Гиннес рекордлар китобига кирди

Швейтсариялик ғаввос Гиннеснинг рекордлар китобига кирди, у нафасни ушлаб турган ҳолда муз остига энг чуқур шўнғиш бўйича рекорд ўрнатди.

27 февраль куни тажрибали ғаввос Валдемар Брудерер сув остига нафас олмай, қайиқсиз ва гидрокостюмсиз шўнғиб, 56 метр чуқурликкача етиб борган.

У Швейсариянинг Граубюнден кантонидаги Зилс кўлига шўнғиди. Февраль ойида бу сув ҳавзасидаги сувнинг ҳарорати одатда -11 даражадан +1 даражагача ўзгариб туради.

Брудерернинг таъкидлашича, унинг рекорди нафақат чақириқ, балки чидамлилик синови ҳам бўлган: у одамларга табиатни асраш кераклигини эслатиш учун машҳурликка эришишга интилган. Дайвернинг умид қилишича, унинг ютуғи иқлим ўзгариши ва музликларнинг эриши муаммосига ҳам эътиборни жалб қилишга ёрдам беради.

"Швейсарияда яшаб, иқлим ўзгариши ва музликларнинг эриши бизнинг ландшафтимизни белгилаб беришига гувоҳ бўлдим," - деди у.

"Мени табиатга шўнғиш, уни соф ҳолда ҳис қилиш ғояси илҳомлантиради. Жиҳозлар сонини минимал даражага туширганимда, ўзимни табиат кучлари билан янада боғлиқ ҳис қиламан ва улуғвор сув ости манзараларини чиндан баҳолай оламан," - дея қўшимча қилди Брудерер.