Линекер: "Барселона" томоша қилишга арзийди
Собиқ "Барселона" футболчиси Гари Линекер жорий мавсумда Каталония клубининг Испания чемпионатидаги иштирокини баҳолади.
"Бу яхши жамоа. Бу футбол ўйнайдиган ва томоша қилишга арзийдиган жамоа. Уларнинг ўйинлари самарали ва томошабоп. Жамоада бир неча зўр футболчилар бор, хусусан, Ламин Ямал, унинг ёрқин келажаги бор", — деди эксперт Marca нашрига берган интервьюсида.
Линекер шунингдек, инглиз мухлислари "Барселона" сафидаги ҳужумчи Маркус Решфорднинг тараққиёти учун хурсанд бўлишяпти, деб таъкидлади.
Ла Лига доирасида 12 турдан сўнг Ханс-Дитер Флик бошқарувидаги жамоа турнир жадвалида 28 очко билан иккинчи ўринда бормоқда.