Реал Мадрид Флориан Верцни сотиб олишни режалаштирмоқда
ОАВларда "Ливерпул" ярим ҳимоячиси Флориан Верцнинг Мадриднинг "Реал" клубига ўтиши ҳақидаги миш-мишлар кучайиб бормоқда. "Қизиллар" Верцни "Байер" клубидан 125 миллион евро эвазига сотиб олишган эди.
Аммо футболчи ҳозирча ўз ўйини билан бу маблағни оқлай олмаяпти. Defensa Central хабарига кўра, агар бош мураббий Арне Слот Верц билан ишлашни йўлга қўя олмаса, "Реал" келаси ёзда футболчини арзонроқ нархда қўлга киритишга ҳаракат қилади.
Манбанинг таъкидлашича, "қаймоқранглилар" таниш ҳужумкор ярим ҳимоячи Хаби Алонсо яхши биладиган Верц учун 75 миллион евродан кўп тўлашни режалаштирмаяпти. Transfermarkt портали эса Флориан Верцнинг трансфер қийматини анча юқори – 130 миллион евро деб баҳоламоқда.
22 ёшли футболчи "Ливерпул" сафида 16 ўйинда майдонга тушиб, учта голли пас берган, аммо ҳали гол урмаган.