Футбол тарихидаги энг яхши ҳакамлардан бири судда
Футбол тарихидаги энг яхши ҳакамлардан бири сифатида танилган инглиз Ховард Уэбб судга чақирилди. Унга қарши даъво аризасини аёл ҳакам Лиза Бенн киритди.
У илгари Англия аёллар Суперлигасининг ўйинларини бошқарган. Лиза Бенн ўзининг Англия Премьер-лигаси ҳакамлари ташкилотидан чиқариб юборилишига қарши чиқмоқда.
У бу ҳолатни 2023 йилда бошқа ҳакам, Стив Чайлд билан боғлиқ можародан сўнг содир бўлганини таъкидламоқда. Бенннинг сўзларига кўра, Чайлд унга жисмоний куч ишлатган.
Ушбу можаро давомида Уэбб Чайлднинг томонини олган ва Беннинг фикрича, унинг профессионал фаолиятига таҳдид қилган. Натижада, мазкур масала судгача етиб келган.