Палюка дунёнинг энг яхши дарвозабонларини айтди
Италия терма жамоаси ва Милан "Интер" клуби собиқ дарвозабони Жанлука Палюка замонавий футболдаги энг яхши дарвозабонлар рўйхатини эълон қилди. У ўзининг рейтингда италиялик дарвозабон Жанлуижи Доннаруммани ҳам киритган.
"Менимча, дунёнинг энг кучли дарвозабонлари Доннарумма, Эмилиано Мартинес ва Тибо Куртуа. Италия футболида эса яқинда "Кальяри" клуби дарвозабони Элия Каприле, шунингдек, Карнесекки ва Ди Грегорио ўз ўйинлари билан мени ҳайратда қолдирди.
Лекин очиғини айтганда, улар 1990-йиллар дарвозабонлари даражасига етиша олмайди, бу бутунлай бошқа даража", – дейди Палюка pianetamilan.it сайтига берган интервьюсида. Эслатиб ўтамиз, Жанлука Палюка ўз футболчилик фаолиятини 2007-йилда якунлаган.