«Қазгидромет» дауылды ескерту жариялады

Шығыс Қазақстан мен Абай облыстарында жаңбыр мен қар түріндегі қатты жауын-шашын, жаяу бұрқасын, көктайғақ, тұман күтіледі. Кей жерлерде желдің екпіні 25 м/с-қа дейін жетеді.

Жетісу және Алматы облыстарының таулы және шығыс аймақтарында да қатты жаңбыр мен қар жауады. Тұман түсіп, желдің екпіні 15-20 м/с шамасында болады.

Ақмола, Павлодар, Солтүстік Қазақстан, Қарағанды және Ұлытау облыстарында тұман, көктайғақ және кей өңірлерде жаяу бұрқасын байқалады.

Жамбыл облысында түнде және таңертең тұман, ал таулы аймақтарда желдің күшеюі (15-20 м/с) күтіледі.

Түркістан, Қызылорда, Батыс Қазақстан, Атырау және Маңғыстау облыстарында да 13-15 қараша аралығында тұман түседі деп болжанып отыр.

Синоптиктер тұрғындарды жолдарда көктайғақ пен нашар көріну жағдайында сақтық шараларын күшейтуге шақырады. Автокөліктердің жылдамдығын азайтып, ауа райының өзгерісін жіті қадағалау ұсынылады.