"Ливерпул" ва "Ювентус" Гнабри учун курашмоқда
"Ливерпул" ва "Ювентус" Мюнхеннинг "Бавария" жамоаси қанот ҳужумчиси Серж Гнабрига қизиқиш билдирмоқда. Бу ҳақда Transfer News Live нашри La Gazzetta dello Sportга таяниб хабар берди.
Мазкур футболчини келаси ёзда эркин агент сифатида қўлга киритиш мумкин, чунки 30 ёшли футболчининг "Бавария" билан амалдаги шартномаси мавсум охирида якунга етади. Шу билан бирга, La Gazzetta dello Sport хабарига кўра, "Ювентус" "Ливерпул" билан рақобатлашишда қийинчиликларга дуч келиши мумкин, чунки мерсисайдликларнинг молиявий имкониятлари юқорироқ.
2025/2026 йилги мавсумда Серж Гнабри 15 та ўйинда майдонга тушиб, 4 та гол урган ва 4 та голли узатма амалга оширган.