FIFA йилнинг энг чиройли голи учун номзодларни маълум қилди
FIFA 2025-йилда топшириладиган “Пушкаш” мукофоти учун номзод футболчилар рўйхатини эълон қилди. Бу мукофот йил давомида урилган энг чиройли гол муаллифига берилади ва “The Best FIFA Football Awards” маросимининг энг қизиқарли номинацияларидан бири ҳисобланади.
Номзодлар қаторида турли мамлакатлар клубларида тўп сураётган 11 футболчи бор. Улар орасида Алеррандро (Vitória – Cruzeiro), Деиола (Cagliari – Venezia), Де Ла Вега (Cruz Azul – Seattle Sounders), Монтиел (Independiente – Independiente Rivadavia) ва Нассер (Al Ahly – Pharco) сингари футболчилар бор.
Шунингдек, Оррантиа (Querétaro – Atlas), Рибейро (Mamelodi Sundowns – Borussia Dortmund), Райс (Arsenal – Real Madrid), Ридҳо (Persija Jakarta – Arema), Родригес (Kasımpaşa – Rizespor) ва Ямал (Espanyol – Barcelona) ҳам йилнинг энг чиройли голи учун курашади.
FIFA “Пушкаш” мукофоти 2009-йилдан бери энг гўзал гол соҳибига топшириб келинмоқда. Ғолибни футбол мухлислари ва мутахассислар овозлари асосида аниқланади. Шу боис, бу йил ҳам мухлислар ўз севимли футболчисининг ажойиб зарбасини қўллаб-қувватлаш имкониятига эга бўлади.