Астанада тұрғын үй кешеніндегі лифт құлап, бір адам мерт болды
Tengrinews.kz оқырманы Төлебаев көшесі, 5 мекенжайында орналасқан "Арыстан" тұрғын үй кешеніндегі төтенше жағдай туралы хабарлады. Бұл туралы әлеуметтік желілерде де пайда болды.
Денсаулық сақтау басқармасы мәліметінше, жөндеу жұмыстары кезінде лифтке жауап беретін компанияның бір қызметкері көз жұмған.
"Екі қызметкер №1 көпсалалы қалалық ауруханаға жеткізілді. Бір пациенттің жағдайы орташа ауыр, екіншісі ауыр жағдайда. Біреуі анестезиология, реанимация және қарқынды терапия бөлімінде, екіншісі көпжарақат бөлімінде жатыр. Оларға қажетті медициналық көмек көрсетіліп жатыр", – делінген хабарламада.
Көрсетілген тұрғын үй кешенінің ауласында түсірілген видео әлеуметтік желілерде жарияланды. Ашулы тұрғындар компанияға шағым айтып, далаға шыққан.
Астана Полиция департаменті оқиға бойынша адам өліміне әкеп соққан еңбек қауіпсіздігі ережелерін бұзу бабымен қылмыстық іс қозғалғанын хабарлады.
Посмотреть эту публикацию в Instagram
Публикация от Данияр Капаров (@astana_pokazhet_)
"Лифт ішінде жөндеу жұмыстарын жүргізген қызмет көрсету ұйымының жұмысшылары болған. Салдарынан бір адам қаза тауып, екеуі жарақат алып, ауруханаға жеткізілді", – делінген полиция мәлімдемесінде.
Қазіргі уақытта оқиғаның барлық мән-жайы анықталып жатыр.
Осы уақытта 2gis қосымшасында аталмыш үйдегі лифттерге қатысты көптеген шағымдарды көруге болады. Астаналықтардың айтуынша, "Арыстан" тұрғын үй кешенінде мұндай жағдай бірінші рет болып отырған жоқ. Алайда өлімге әкелген оқиға алғаш рет тіркелген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!