Ўзбекистонда ортиқча ишлаш ҳақини тартибга солиш ўзгарди
Ўзбекистонда ортиқча ишлаш учун иш ҳақи тизими қайта кўриб чиқилди, деб хабар берди Адлия вазирлиги. Энди кунлик иш вақтидан ортиқча дастлабки икки соат учун тўлов 1,5 баробар миқдорда, ундан кейинги соатлар учун эса 2 баробар миқдорда амалга оширилади.
Илгари амалда бўлган қонунга кўра, ортиқча ишлаш камида икки баробар тўланиши лозим эди. Шунингдек, Меҳнат кодексидан йилига 120 соатлик ортиқча иш билан чеклаш талаби ҳам олиб ташланди.
Хусусий бандлик агентликларига эса касблар ва чет тилларини ўргатиш бўйича курсларни мустақил ташкил этиш ҳуқуқи берилди. Улар, шунингдек, захира маблағларини банк депозитларига жойлаштириш орқали келиб тушадиган даромадларни эркин бошқариш имкониятига эга бўлди.