Ибрагимович Левандовскини Миланга таклиф қилмоқда
Польшанинг "Барселона" ҳужумчиси Роберт Левандовски Италия клуби "Милан"га ўтиши мумкин. Бу ҳақда Sky Sport хабар бермоқда.
Манбага кўра, Левандовскининг трансфери учун клуб маслаҳатчиси Златан Ибрагимович шахсан ўзи ҳаракат қилмоқда. Левандовски катта клублардан таклифларни очиқ қабул қилишга тайёр, чунки у Чемпионлар Лигасида иштирок этишни давом эттиришни хоҳлайди.
Польшалик ҳужумчининг келаси ёзда "Барселона"ни эркин агент сифатида тарк этиши кутилмоқда. Жорий мавсумда 37 ёшли Левандовски барча мусобақаларда 12 та ўйинда иштирок этиб, 7 та гол уришга муваффақ бўлган.
Transfermarkt маълумотига кўра, футболчининг қиймати 10 миллион еврога баҳоланган.