Нима сабабдан метродан фойдаланувчилар сони кун сайин ошиб бормоқда?
Миллий статистика қўмитаси маълумотларига кўра, 2025 йилнинг январь–сентябрь ойларида метро хизматларидан жами 205,7 миллион киши фойдаланган.
Бу кўрсаткич 2024 йилнинг мос даврига нисбатан 14,4 миллион йўловчига кўп бўлиб, ўсиш 7,5 фоизни ташкил этди.
Ҳисоб-китобларга кўра, жорий йилнинг дастлабки тўққиз ойида метрополитен орқали ҳар куни ўртача 753,5 минг нафар йўловчи ташилган.
Мутасаддиларнинг таъкидлашича, йўловчи оқимининг ортиши метро тармоқларининг кенгайиши ва янги станцияларнинг ишга туширилиши билан изоҳланади.