Фермерлар қовоқлардан Оззи Осборн суратини яратиб, Гиннес рекордлар китобига кирди
Буюк Британияда фермерлар Хеллоуин учун қовоқ ва қовоқчалардан мусиқачи Оззи Осборннинг портретини йиғишди. Асар Гиннеснинг рекордлар китобига киритилган.
Рекорд Саутгемптондаги Sunnyfields фермасида қайд этилди. Мозаикада қора кўзойнак таққан Зулмат шаҳзодаси тасвирланган, унинг атрофида кўршапалаклар айланиб юрибди.
Таъкидланишича, мозаика Оззига ҳурмат белгиси сифатида яратилган ва портретнинг тантанали очилишида рокернинг қариндошлари иштирок этган. Портретнинг майдони 212 квадрат метрни ташкил этди, бу теннис корти ўлчамларига тўғри келади.
Оззи Осборн 22 июль куни 76 ёшида ўткир миокард инфаркти туфайли вафот этди. Ҳаётининг сўнгги йилларида Осборн бир нечта жиддий касалликлардан, жумладан, Паркинсон касаллигидан азият чекди.