Автошох бекатидаги муштлашув — оддий тортишувми ёки рақобатми?
Ижтимоий тармоқларда тарқалган Андижон шаҳридаги автошох бекатида содир бўлган жанжал юзасидан Андижон вилояти ички ишлар бошқармаси ўрганиш олиб борди, деб хабар берди ИИБ матбуот хизмати.
Маълум бўлишича, 5-ноябрь куни соат 15:35 да А.Темур кўчасида жойлашган “Автошох бекат” ҳудудида Андижон–Қўқон йўналишида ишловчи икки ҳайдовчи ўзаро келишмовчилик сабаб жанжаллашган.
Аниқланишича, 1992 йилда туғилган Асака туманида яшовчи А.Х. ва 1993 йилда туғилган қўқонлик О.Х. ўртасида оғзаки тортишув келиб чиққан. Бошқа фуқароларга зарар етмаган.
Ҳолат бўйича терговга қадар текширув ўтказилиб, фуқаро O.X.ga нисбатан Маъмурий жавобгарлик тўғрисидаги кодекснинг 183-моддаси асосида баённома расмийлаштирилган.
Суд қарорига кўра, у 15 сутка маъмурий қамоқ жазоси билан жазоланди.