Левандовски агенти Фенербахче билан музокара қилди
Манбага кўра, "сариқ-кўклар" раҳбарияти ҳозирда футболчидан жавоб кутмоқда. Агар польшалик ҳужумчи Туркияда фаолиятини давом эттиришга рози бўлса, Фенербахче мавсум тугашини кутмасдан расмий таклиф киритиши мумкин.
37 ёшли Левандовскининг амалдаги шартномаси ёзда якунланади. У Польша ва Нидерландия ўртасидаги ЖЧ саралаш учрашуви олдидан ўтказилган матбуот анжуманида ўз келажаги ҳақида аниқ жавоб бермади.
Жорий мавсумда Левандовски клуб даражасида 11 та ўйинда 7 та гол уришга муваффақ бўлди.