Эдерсон "Манчестер Сити"ни тарк этиш сабабини тушунтирди
"Фенербахче"дан таклиф бўлгач, мен уни қабул қилдим. Ўтган мавсумда ҳам жамоани тарк этишга ҳаракат қилгандим, аммо бу амалга ошмади.
Менга бу ўзгаришлар жуда зарур эди. Агар катта ва ғолиб жамоада ўйнаётган бўлсангиз ҳам, бахтли бўлмасангиз, бундай ўйин фойдасиз", — деди футболчи Goal нашрига берган интервьюсида.
Шунингдек, Эдерсон сўнгги пайтларда уни қийнаб келаётган жароҳатлар ҳақида ҳам гапирди, бу ҳолатлар унинг тўлиқ куч билан ўйнашига тўсқинлик қилган. Ҳозирда дарвозабоннинг Туркия клуби билан амалдаги шартномаси 2028-йил 30-июнгача мўлжалланган.
32 ёшли дарвозабоннинг бозор қиймати 18 миллион еврони ташкил қилади.