Манчестер Юнайтед бразилиялик Холандни кузатмоқда

17 ёшли бразилиялик ҳужумчи Делл "Манчестер Юнайтед" скаутларининг диққат марказига тушди. "Байи" клубининг футболчиси биринчи жамоа сафида атиги икки учрашув ўтказган бўлса-да, у ёшлар ва ўсмирлар даражасидаги ўйинлари билан мутахассисларни ҳайратга солди.

United In Focus нашрининг маълумотига кўра, "қизил иблислар" вакиллари ҳам футболчини яқиндан кузатмоқда. Бразилияда уни "бразилиялик Эрлинг Холанд" деб аташади.

"Манчестер Юнайтед"нинг асосий муаммоси шундаки, "Байи" акцияларининг 90 фоизи City Group компаниясига тегишли. Шу сабабли ушбу иқтидорли футболчини қўлга киритишда "Манчестер Сити" фаворит ҳисобланмоқда.

Деллнинг тўлиқ исми Вендерсон Вандерлей Сантос де Мело бўлиб, унинг амалдаги шартномаси 2028 йил охиригача амал қилади.