Ўзбекистонда пуллик тиббий хизмат қоидалари тасдиқланди
Ўзбекистон ҳукумати тиббиёт муассасаларида пуллик хизматлар кўрсатиш тартибини тасдиқлади. Бу ҳақда Адлия вазирлиги матбуот хизмати хабар берди.
Агар бемор режалаштирилган тиббий ёрдам учун йўлланмасиз ва ўз ташаббуси билан мурожаат қилса, хизматлар пуллик бўлади. Бунда бемор тиббиёт муассасасида рўйхатдан ўтказилиши шарт.
Поликлиникаларда бепул кафолатланган пакетга кирмайдиган барча хизматлар қўшимча ҳисобланади ва улар учун тўлов амалга оширилади. Беморни тиббиёт муассасасида фақат тўлиқ олдиндан тўлов амалга оширилгандан сўнг қабул қилишади.
Шундан кейин у шифокорга йўналтирилади. Эслатиб ўтамиз, Ўзбекистон Президенти Шавкат Мирзиёев республика марказларида тиббий хизматлар нархини қайта кўриб чиқиш ташаббусини илгари сурган эди.
Давлат раҳбари тиббий суғурта маблағларини, агар улар сифатлироқ ва арзонроқ хизмат кўрсатса, хусусий клиникаларга йўналтиришни таклиф қилган.