Трамп 2026 йилда республикачилар учун фаол саёҳат бошлайди
Bloomberg агентлиги хабар беришича, АҚШ президенти Доналд Трамп 2026 йилдаги Конгрессга оралиқ сайловлар арафасида мамлакат бўйлаб ташрифлар сонини кескин оширишни режалаштирмоқда. Унинг асосий мақсади — республикачилар партиясини қўллаб-қувватлаш ва Конгрессдаги позицияларни мустаҳкамлашдир.
Манбалар таъкидлашича, Трамп бу қарорни ўзининг илк президентлик муддати давридаги вазиятлардан келиб чиқиб қабул қилган. Ўшанда демократлар Конгресснинг Қуйи палатасида назоратни қўлга киритиб, бир қатор қонунчилик ташаббусларини тўхтатган ҳамда президентга қарши импичмент жараёнларини бошлаган эдилар.
Шу боис Трамп бу сафар бундай ҳолат такрорланмаслиги учун кампания давомида мамлакат бўйлаб фаол сафарлар ўтказиш ниятида. Оқ уй ҳозирча бу режалар юзасидан расмий изоҳ бермаган.
Аввалроқ президент Трамп республикачиларни шахсан қўллаб-қувватлашини ва Конгресснинг икки палатасида ҳам партия назоратини сақлаб қолишни мақсад қилганини маълум қилган эди.