Астон Вилла юлдуз ўйинчиcи билан келишувга эришди
23 ёшли ҳужумкор ярим ҳимоячи Морган Роджерс "Астон Вилла"да қолади. Журналист Девид Орнштейннинг хабарича, томонлар шартномани узайтириш бўйича келишувга эришган.
Роджерснинг амалдаги шартномаси 2030 йилда якунланади, бироқ янги келишув 2031 йилгача мўлжалланган ва унга кўра футболчининг маоши сезиларли даражада оширилади. Англия Премер-лигасининг топ жамоаларидан катта қизиқиш бўлишига қарамай, 23 ёшли ярим ҳимоячи яқин кунларда "Астон Вилла" билан янги шартнома имзолайди.
Бу мавсум Роджерс барча мусобақаларда 15 та ўйинда майдонга тушиб, битта гол урди ва учта голли узатмага муаллифлик қилди.