Бухоро талабаси ётоқхонада фожиали тарзда ҳалок бўлди
Бухорода Бухоро давлат университети талабаси ётоқхонада ҳалок бўлди, деб хабар берди расмий манбалар.
Маълумотларга кўра, марҳума хорижий тиллар факультетининг 1-курс талабаси бўлган. 4 ноябрь куни 2007 йилда туғилган бу қиз университет ётоқхонасида ўз жонига қасд қилган ҳолда вафот этган.
Ҳолат юзасидан ҳозирда Бухоро шаҳар прокуратураси томонидан терговга қадар текширув ишлари олиб борилмоқда.
Расмийлар ҳодисанинг сабаблари ҳали аниқланмаганини маълум қилмоқда. Талабанинг яқинлари ва курсдошлари билан суҳбатлар ўтказилиб, барча ҳолатлар ўрганилаяпти.
Ҳозирча бу фожиага олиб келган омиллар ҳақида расмий маълумот берилмаган.