Тошкентда жинсий камситиш учун кафе эгаси жазоланди
Тошкент шаҳрининг Олмазор туманида жойлашган кафелардан бирининг эгаси Ўзбекистон қонунчилигини бузган. Бу ҳақда UPL нашри хабар берди.
Маълумотларга кўра, кафе эгаси болалар ўйин майдончасига бир боланинг отасини киритмаган. Кафе эгаси ўйин майдончасига фақат оналар ва болалар кириши мумкинлигини билдирган.
Норози мижозлар ҳуқуқни муҳофаза қилиш органларига мурожаат қилишган. Суд кафе эгасини жинсий камситишни тарғиб қилишда айбдор деб топди.
Эркак ўз айбини тўлиқ тан олди, вазиятни тузатишини ва суддан жазо енгиллаштирилишини сўради. Суд қарорига биноан, кафе эгасига 3 750 000 сўм миқдорида жарима солинди.
Шунингдек, жабрланган томон маънавий зарар учун компенсация талаб қилиш ҳуқуқини сақлаб қолади.