Хулиан Альварес "Барселона" ва "ПСЖ"нинг қизиқиши ҳақида гапирди
Мадриднинг "Атлетико" жамоаси ҳужумчиси Хулиан Альварес "Барселона" ва "ПСЖ" клублари қизиқиш билдираётгани ҳақидаги хабарларга ўз муносабатини билдирди.
"Мен ҳеч нарсани билмайман. Испанияда менинг "Барселона"га ўтишим ҳақида гап-сўзлар бор. "Атлетико" билан шартнома имзолаганимда, "ПСЖ" ҳақида ҳам гаплашишган.
Ҳозирда эътиборим фақат "Атлетико"даги ўйинларга қаратилган. Мавсум охирида натижаларни сарҳисоб қиламиз," - дейди аргентиналик футболчи France Football нашрига берган интервьюсида.
25 ёшли ҳужумчининг трансфер қиймати 100 миллион евро деб баҳоланмоқда. Унинг Мадрид клуби билан тузилган шартномаси 2030 йилнинг июн ойида якунланади.