Тошкентда 12 даражагача илиқлик кутилмоқда
7 ноябр куни Тошкентда кундузи ҳаво ҳарорати +10…+12 даража бўлиши кутилмоқда, деб хабар берди Ўзгидромет. Кечаси шаҳарда кичик совуқ бўлиши мумкин: ҳарорат -1° дан +1° гача тушади.
Республиканинг аксарият ҳудудларида ёғингарчилик кутилмайди, шамол мўътадил. Қашқадарё ва Сурхондарёда ҳаво энг кўп илиқлашиб, +17 даражагача етади.
Марказий ва шарқий ҳудудларда (Самарқанд, Фарғона водийси, Бухоро) кундузи ҳарорат +10…+15 даража бўлиши кутилмоқда. Кечалари бу ҳудудларда ҳарорат -5 даражагача пасайиши мумкин.