Джейдон Санчо “Манчестер Юнайтед”га қайтади
Англиянинг 'Астон Вилла' клуби ҳужумчиси Джейдон Санчо январ ойида 'Манчестер Юнайтед' сафига қайтади. Бу ҳақда журналист Экрем Конур маълум қилди.
Манбалари кўра, 'Астон Вилла' мураббийлари 25 ёшли вингернинг спорт формаси билан норози. Футболчи жамоа таркибида фақат бир марта асосий таркибда майдонга тушган.
Санчо жорий йил ёзги трансфер ойнасда 'қизил иблислар'дан 'Астон Вилла'га ижарага олинган эди. Шу вақт ичида у 6 ўйинда қатнашган, аммо бирорта ҳам самарали ҳаракатга эриша олмаган.
Санчо билан 'Манчестер Юнайтед' ўртасидаги шартнома 2026 йил ёзигача амал қилади. Transfermarkt маълумотларига кўра, футболчининг трансфер қиймати 25 миллион еврони ташкил этади.