Политано: ПСВга мағлубиятдан кейин ўзимизни тиклаш учун имконият бор
Наполи жамоасининг ҳужумчиси Маттео Политано Чемпионлар лигаси доирасида ўтказиладиган Франкфуртнинг Айнтрахт клуби билан бўладиган навбатдаги ўйин олдидан ўз фикрлари билан ўртоқлашди. Мазкур баҳс жорий йилнинг 4-ноябрь куни Неаполда бўлиб ўтади.
"ПСВга қарши ўйинда (2:6) мағлубиятга учраганимиздан сўнг бу биз учун ўзимизни намоён қилишга ажойиб имконият. Айнтрахт — жисмоний жиҳатдан кучли жамоа ва улар бу ўйинга ижобий натижа учун келишади.
Биз эса яхши тикланиб, ўйинни тўғри йўналишда бошлашимиз керак," — деди Политано. Чемпионлар лигасининг гуруҳ босқичидаги дастлабки учта ўйиндан сўнг Антонио Конте шогирдлари уч очко билан 23-ўринда бормоқда.
Айнтрахт жамоаси ҳам уч очко тўплаган бўлиб, улар 22-ўринда жойлашган.