Гасперини: «Рома» бу ўйини билан келажакда кўплаб ўйинларда ғалаба қозонади
«Рома» бош мураббийи Жан Пьеро Гасперини «Милан»га қарши ўйинда жамоасининг ҳаракати ҳақида фикр билдирди. Якшанба куни А Сериянинг ўнинчи турида бўлиб ўтган учрашувда римликлар «Сан-Сиро» стадионида минимал ҳисобда мағлуб бўлишди.
Ўйиннинг ягона голи 39-дақиқада Страхинья Павлович томонидан киритилди. Учрашув сўнгида меҳмонлар ҳисобни тенглаштириш имконига эга бўлишди, аммо Пауло Дибала пенальтини голга айлантира олмади.
«Натижадан хафаман, лекин ишончим комил, агар «Рома» шу каби ўйин кўрсатса, келажакда кўплаб ўйинларда ғалаба қозонади. Биз биринчи бўлимни кучли ўтказдик, кучли рақибга қарши характер ва матонат намойиш этдик.
Афсуски, бешта пенальтидан тўрттасини голга айлантира олмадик, бу эса А Серия ва Европа турнирларида кўп очколар йўқотишимизга сабаб бўлди», – деди Гасперини журналист Николо Скирага берган интервьюсида.
Айни пайтда «Рома», «Милан» ва «Интер» 21 очкога эга, «Наполи» эса улардан бир очко кўпроқ билан пешқадамлик қилмоқда.