Ҳиндистонда диний маросимда тиқилинч сабаб 10 киши ҳалок бўлди
Ҳиндистоннинг Андхра Прадеш штатида жойлашган Срикакулам шаҳридаги ибодатхонада диний маросим пайтида юз берган тиқилинч бутун мамлакатни larzaga солди, деб хабар берди Hindustan Times.
Маросимда юзлаб одамлар йиғилгани айтилмоқда. Аммо ибодатхонадан чиқиш пайтида одам оқими тескари йўналишда ҳаракатлана бошлаган ва шиддат билан кириб келганлар чиқмоқчи бўлганларни босиб кетган.
Расмий маълумотларга кўра, камида ўн нафар инсон ҳалок бўлган, уларнинг кўпчилиги аёллар ва болалар экани қайд этилган. Яна бир неча киши оғир жароҳатлар билан шифохонага етказилган, айримларининг аҳволи оғир.
Ҳодиса сабаблари бўйича тергов бошланган. Маҳаллий ҳокимият ва қутқарув хизмати ходимлари ҳолатни назоратга олган.
Ҳиндистонда бундай фожеалар сўнгги йилларда тез-тез кузатилмоқда. Муттахассислар бунга одам оқимини тўғри бошқармаслик, тор инфратузилма ва хавфсизлик қоидаларига етарлича амал қилинмаслигини сабаб сифатида кўрсатмоқда.
Фожеадан сўнг мамлакатда оммавий йиғилишларда хавфсизликни кучайтириш ҳақида баҳслар яна авж олди.