Тошкентда эркак калити ичидаги машинани ўғирлаб, қочиб кетди
Тошкент шаҳрида бир эркак бошқа бировнинг автомобилни олиб қочди, деб хабар берди пойтахт Ички ишлар бош бошқармаси.
Маълумотларга кўра, у маблағсиз қолгани учун бирор нарса ўғирлаб тирикчилик қилиш ниятида ҳаракат қилган. Машинанинг эшиги ёпилмагани ва калити ўт олдиргичда турганидан фойдаланиб, у транспорт воситасини ҳайдап кетган.
Бектемир туманидаги Чирчиқ бўйига боргач, автомобил салонидан икки дона монитор, видеорегистратор, фонарь ва сумка олган. Кейин машинани ташлаб, воқеа жойидан қочиб кетган.
“Қилган ишимдан қаттиқ афсусдаман. Ҳеч кимга бундай қилмасликни маслаҳат бераман. Бу яхши йўл эмас экан, оқибатини билмадим”, — деган гумонланувчи.
Маълум бўлишича, у аввал ҳам судланган. Ҳозирда унга нисбатан Жиноят кодексининг 267-моддаси 2-қисми “г” банди бўйича жиноят иши қўзғатилган ва қамоқ эҳтиёт чораси қўлланилган.
Тергов ҳаракатлари давом этмоқда.