Ҳакам барча голларни бекор қилди
Германия чемпионатининг тўққизинчи турида "Унион" ва "Фрайбург" жамоалари ўзаро беллашди. Учрашувнинг 17-дақиқасида меҳмон жамоа "Фрайбург" бурчак зарбасини амалга оширди ва Матиас Гинтер тўпни дарвозага йўллади, бироқ ҳакам бу голни қўполлик сабабли бекор қилди.
Иккинчи бўлимда мезбонлар "Унион" жамоаси ҳам бурчак зарбасидан фойдаланиб, Андрей Илич орқали дарвозани ишғол қилди, аммо бу гол ҳам Рани Хедиранинг ўйиндан ташқари ҳолатида бўлгани учун бекор қилинди. Шу тариқа, ўйин қоидалар доирасида ҳеч қандай гол урилмаган ҳолда 0:0 ҳисобида якунланди.
"Унион" турнир жадвалида 10-ўринда бормоқда, "Фрайбург" эса ундан бир очко орқада.