Хусусий банкнинг бир қисми давлатга ўтди
“Инфинбанк”нинг 15 фоиз улуши “Тадбиркорликни ривожлантириш компанияси” томонидан сотиб олинди, деб Bankir манбаси хабар берди. Энди ушбу компания банк акциядорлари рўйхатида расман қайд этилган.
Аввал банкнинг ягона йирик акциядори Фарҳод Мамажонов эди. Катта эҳтимол билан, у ўз улушининг бир қисмини давлат компаниясига ўтказган.
Маълумот учун, “Тадбиркорликни ривожлантириш компанияси” Иқтисодиёт ва молия вазирлигига қарашли бўлиб, 2025 йилда 421,1 млрд сўм соф фойда кўрсатган. “Инфинбанк” эса 196,5 млрд сўм фойда олган.