"Тоттенхэм" ва "Бавария" "Ювентус" ҳужумчиси Жонатан Давид учун курашади
"Ювентус" ҳужумчиси Жонатан Давид яна бир клубнинг қизиқиш доирасига тушди. 25 ёшли футболчи ҳали Италия чемпионатида ўзини кўрсата олмаган, шунинг учун матбуотда канадалик футболчининг бошқа чемпионатга ўтиши ҳақидаги гап-сўзлар кучаймоқда.
Gazzetta dello Sport хабарига кўра, "Тоттенхэм" қишки трансфер ойнасида "Бавария" билан Давидни қўлга киритиш учун рақобатлашишга тайёр. Аммо ҳозирча "Ювентус"нинг ушбу ҳужумчини қўйиб юборишга қандай қарашда экани номаълум.
Жонатан Давид ўтган ёзда "Лилль" клубидан Туриндаги жамоага эркин агент сифатида келиб қўшилганди. У ‘кекса синьора’ сафида 11 учрашувда майдонга тушиб, битта гол ва битта голли узатма амалга оширди.
Transfermarkt портали маълумотига кўра, Лига 1нинг собиқ юлдузи 45 миллион евро қийматга эга.