Спалетти расмий равишда "Ювентус" бош мураббийи бўлади
"Ювентус" клуби яқин соатлар ичида Лучано Спалеттини бош мураббий лавозимига тайинланганлигини расман эълон қилади. Турин клуби 66 ёшли мутахассис билан келишувга эришди ва бугун шартнома расмийлаштирилиши кутилмоқда.
Мураббий билан тузилган келишув мавсум охиригача амал қилади, бироқ агар жамоа Чемпионлар лигасига йўл олса, шартнома 2027 йил ёзигача узайтирилиши мумкин. Спалетти илк машғулотини пайшанба куни ўтказади.
Унинг бошчилигидаги "Ювентус" илк учрашувини шанба куни "Кремонезе"га қарши ўтказади. Аввалги бош мураббий Игор Тудор яқинда жамоанинг қониқарсиз натижалари сабаб истеъфога чиқарилган эди.