Де Брюйне оғир жароҳатдан кейин жарроҳлик амалиётини ўтказди
“Наполи” жамоаси расмий сайтида хабар берганидек, чоршанба куни ярим ҳимоячи Кевин де Брюйне муваффақиятли жарроҳлик амалиётини бошдан кечирди. Операция Антверпен шаҳрида ўтказилган.
Энди 34 ёшли футболчи тикланиш жараёнининг биринчи босқичини бошлайди. Маълумки, яқинда “Интер”га қарши ўйинда Де Брюйне сон мушакларининг жиддий ёрилиши билан жароҳатланган эди.
Пенальти тепиб гол ургандан сўнг бельгия футболчиси қаттиқ оғриқни ҳис қилиб, ҳаракатланишда қийинчиликларга дуч келган. Аввалроқ Кевин де Брюйненинг тикланиш жараёни тахминан тўрт ой давом этиши мумкинлиги хабар қилинган эди.
Ҳозирда “Наполи” Италия чемпионатида 9 турда 21 очко тўплаб, пешқадамлик қилмоқда.