"Интер" футболчисига руҳий ёрдам кўрсатди
"Интер" жамоасининг иккинчи дарвозабони Хосеп Мартинес ҳалокатли йўл-транспорт ҳодисасига учради. Сешанба куни футболчи йўл четида ногиронлар аравачасида ҳаракатланган ёши катта эркакни уриб юборди.
Дастлабки маълумотларга кўра, 81 ёшли эркакнинг ҳаракат йўналиши кескин ўзгарган (эҳтимол, унинг соғлиги ёмонлашган), бу эса фожиа сабабига айланган. Мартинес жабрланганга ёрдам беришга уринган.
La Gazzetta dello Sport хабарича, "Интер" дарҳол Хосеп Мартинесга психологик ёрдам кўрсатишни таъминлаган. Шунингдек, футболчига бир ҳафталик дам олиш берилган.
Полиция ҳодиса юзасидан терговни давом эттирмоқда. Ҳодисадан сўнг, Мартинеснинг организмида спиртли ичимлик ёки гиёҳванд моддалар излари мавжудлигини аниқлаш учун таҳлиллар ўтказилган.