3 ёшли бола боғчада елкасини синдирди

Тошкент шаҳри Юнусобод туманида жойлашган “Magnat” хусусий боғчасида 3 ёшли боланинг елкаси синди.

Боланинг онаси маълум қилишича, воқеа 21 октябрь куни содир бўлган. У ҳар кунигидек фарзандини олиш учун боғчага келганида, боласининг ҳолатида нимадир нотўғриликни пайқаган.

“Оддатда у мени кўриб югуриб келарди. Бу сафар эса суст қадамлар билан чиқди. Қучоқлаб олганимда қаттиқ йиғлаб юборди. Кейин қўлини кўтаролмаслигини кўриб, шошилиб шифокорга олиб бордим. Рентген текширувида елкаси сингани маълум бўлди”, — дейди она.

Она айтишича, боғча ходимлари аввал воқеани яширишга уринган. Telegram орқали берилган саволларга “бошқа болалар кўрпа йиғиш чоғида устидан босиб олган, ҳеч нарса бўлмаган”, деган жавоб қайтарилган.

Боғча маъмуриятининг изоҳига кўра, болани тарбиячи эмас, балки бошқа болалар кўрпа остида ўйнаётган пайтда босиб олган. Улар бу ҳолатни “тарбиячи босди” деб бола нотўғри тушунган бўлиши мумкинлигини айтишган.

Ҳодиса бўйича тарбиячига интизомий чора — “ҳайфсан” берилган. Боғча раҳбари боланинг соғлиғини тиклаш учун барча харажатларни қоплашга тайёрлигини билдирган, аммо оила бу таклифни рад этган.

Айни вақтда Мактабгача ва мактаб таълими вазирлиги воқеа юзасидан ҳали расмий изоҳ бермаган. Мутахассислар бу ҳолат хусусий боғчалардаги назорат тизимини кучайтириш зарурлигини яна бир бор кўрсатди.