Олмазорда автомобил ортилган юк машинаси туннелга тиқилиб қолди
Тошкент шаҳрининг Олмазор туманида 26 октябрь куни соат 16:30 ларда ноодатий йўл-транспорт ҳодисаси юз берди, деб хабар берди шаҳар Йўл ҳаракати хавфсизлиги бошқармаси.
Маълумотларга кўра, 2002 йилда туғилган ҳайдовчи Х.А. бошқараётган CHAKMAN русумли юк машинаси трелларга ортилган бир нечта автомобил билан ҳаракатланар экан, тоннел остидаги электрон мониторнинг пастки қисмига урилиб тиқилиб қолган.
Ҳодиса оқибатида ҳеч ким жароҳат олмаган. Бироқ юк машинаси ва ундаги автомобиллар қисман зарар кўрган.
Айни пайтда, Тошкент шаҳар ИИББ ЙҲХБ ходимлари томонидан ҳодиса сабабларини аниқлаш юзасидан текширув ишлари олиб борилмоқда.
Мутахассислар ҳайдовчиларга йўлдаги баландлик чекловларига қатъий риоя қилиш зарурлигини, айниқса йирик юк машиналари билан тоннел ва кўприклардан ўтишда эҳтиёткор бўлиш лозимлигини эслатмоқда.