Саудиянинг Riyadh Cables компанияси Ўзбекистондаги завод улушини сотиб олди
Саудия Арабистонининг Riyadh Cables Group компанияси Ўзбекистондаги Artikul Aziya Kabel корхонасининг 51 фоиз улушини 147,7 миллион саудия риёлига (тахминан 39 миллион АҚШ доллари) сотиб олиш бўйича келишув имзолади.
Харид 27 октябрь куни компаниянинг шўъба корхонаси Riyadh Cables Co. орқали амалга оширилди.
Ушбу битим Ўзбекистоннинг Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда Artikul Aziya Kabel корхонасини молиялаштираётган банклар томонидан тасдиқланиши лозим.
Шунингдек, харид Riyadh Cables компаниясининг ўз маблағлари ва мавжуд молиявий ресурслари ҳисобидан амалга оширилади.