Жанубий Кореяда ўзбекистонлик терроризмда гумон қилинмоқда
Жанубий Кореяда 29 ёшли ўзбекистонлик талаба ҳибсга олинди. Chosun нашри маълумотларига кўра, у Африкада қудуқлар қуриш хайрия лойиҳаси ниқоби остида маблағ тўплаб, унинг бир қисмини ҲАМАС ва "Ал-Қоида" билан боғлиқ гуруҳларга ўтказган.
Гумондор ижтимоий тармоқларда сохта саҳифалар яратиб, экстремистик мазмундаги постлар ва урушга чақириқлар эълон қилган. Маблағ икки йўл билан тўпланган: криптовалюта орқали ва ўзбекистонликлар учун ташкил этган футбол клуби орқали нақд пул шаклида.
Энди унга ўн йилгача озодликдан маҳрум этиш ва катта миқдорда жарима жазоси хавф солмоқда. Тергов давом этмоқда, полиция талабага ёрдам берган бошқа шахслар бўлган-бўлмаганлигини ва тўпланган маблағнинг яна қаерларга йўналтирилганини аниқлашга ҳаракат қилмоқда.