"РБ Лейпциг" сафарда "Аугсбург"ни тор-мор қилди

Германия чемпионатининг 8-турида "РБ Лейпциг" сафарда "Аугсбург"ни 6:0 ҳисобида мағлуб этди. Учрашув "ВВК Арена" стадионида бўлиб ўтди ва меҳмонлар тўлиқ устунлик қилди.

Биринчи бўлимнинг ўртасида "Лейпциг" атиги 12 дақиқа ичида учта комбинацияни муваффақиятли якунлади. Голларни Ян Диоманд, Ромуло Круз ва Антонио Нуса урди.

38-дақиқада эса Кристоф Баумгартнер ҳисобни 4:0 кўринишига келтирди. Иккинчи бўлимда "РБ Лейпциг" ҳужумларини давом эттириб, яна иккита гол урди.

56-дақиқада Ассан Уэдраого ўзини кўрсатди, 65-дақиқада эса бурчак тўпидан кейин рақиб дарвозабони Финн Даменнинг хатосидан сўнг Кастелло Люкеба олтинчи голни киритди. Ушбу ғалаба эвазига "РБ Лейпциг" очколарини 19 тага етказиб, мусобақа жадвалида иккинчи ўринни мустаҳкамлади.

"Аугсбург" эса тўртинчи ўриндан пастда жойлашган.

Ўйин протоколи:

"Аугсбург" - "РБ Лейпциг" 0:6

Голлар: 10' Диоманд (0:1), 18' Круз (0:2), 22' Нуса (0:3), 38' Баумгартнер (0:4), 56' Уэдраого (0:5), 65' Люкеба (0:6).