«Наполи» «Интер»ни мағлуб этиб, пешқадамга айланди
Италия А Сериясининг 8-туридан ўрин олган марказий баҳс Неаполда бўлиб ўтди. «Диего Армандо Марадона» стадионидаги учрашувда маҳаллий «Наполи» мухлисларини хурсанд этиб, «Интер» устидан ишончли ғалабага эришди.
Ўйин юқори суръатда бошланди. Биринчи бўлимда майдондаги устунликни қўлга олган «Наполи» рақиб жарима майдончаси яқинида фаол ҳаракат қилди. 33-дақиқада жамоанинг етакчи ярим ҳимоячиси Кевин Де Брюйне пеналтидан аниқ зарба бериб, ҳисобни очди. Унинг зарбасидан сўнг стадиондаги мухлисларнинг қўл чапакларига кўмилди, аммо белгиялик футболчи бу эпизодда жароҳат олди ва қисқа вақт ичида алмаштирилди.
Иккинчи тайм бошланиши билан неаполликлар устунлигини янада оширди. 54-дақиқада Мактоминей узоқ масофадан гол уриб, ҳисобни 2:0 кўринишига келтирди. Аммо «Интер» ҳам жавобсиз қолмади — 59-дақиқада Чалхонўғли пеналтидан аниқ зарба бериб, интригани қайта тиклади.
Шундан сўнг ўйин янада қизиб борди. 66-дақиқада Андре-Франк Замбо Ангисса жамоаси учун учинчи голни киритди ва «Наполи» устунлигини мустаҳкамлади. Қолган дақиқаларда «Интер» фаол ҳаракат қилган бўлса-да, ҳисоб ўзгармади. Учрашув 3:1 ҳисобида «Наполи» фойдасига якунланди.
Наполи — Интер 3:1
Голлар: Де Брюйне (33, пеналти), Мактоминей (54), Ангисса (66) — Чалхонўғли (59, пеналти).
Наполи — Милинкович-Савич, Ди Лоренцо, Буонжорно (Бекема, 90), Жезус, Спинаццола (Гутиеррес, 90), Гилмур, Политано (Элмаз, 82), Ангисса, Де Брюйне (Оливера, 37), Мактоминей, Нерес (Ланг, 82).
Интер — Зоммер, Аканжи, Ачерби, Бастони, Думфрис (Луис Энрике, 73), Димарко, Барелла (Фраттези, 73), Чалхонўғли (Сучич, 73), Мхитарян (Зелински, 32), Мартинес, Бонни (Эспозито, 62).
Огоҳлантиришлар: Ди Лоренцо (43), Гилмур (45+6), Бастони (77).
Бу ғалаба неаполликларга очколарини 18 тага етказиш ва «Милан»ни ортда қолдирган ҳолда А Серияда пешқадамликни қўлга киритиш имконини берди. «Интер» эса 15 очко билан 4-поғонада қолди.
Шундай қилиб, «Наполи» мухлислари учун бу кеча ҳақиқий байрамга айланди. Де Брюйне, Мактоминей ва Ангиссанинг голлари орқали жамоа нафақат муҳим ғалабани қўлга киритди, балки чемпионлик сари яна бир дадил қадам ташлади.