Уразбахтин “Қайрат” футболчиларининг дурангдан норози бўлганини айтди
Қозоғистоннинг “Қайрат” жамоаси УЕФА Чемпионлар лигаси умумий босқичининг учинчи турида Кипрнинг “Пафос” клуби билан 0:0 ҳисобида дуранг ўйнади.
Euro-football.ru ёзишича, “Қайрат” бош мураббийи Рафаэл Уразбахтин натижадан сўнг фикр билдирди. Мураббий жамоадаги футболчилар бундай ўйинларда тажриба орттириши кераклигини таъкидлади.
Уразбахтин футболчилар натижадан норози бўлганини айтди. Учрашув давомида “Қайрат” деярли бутун ўйинни бир футболчи кўп бўлиб ўтказди ва ғалаба учун яхши имкониятга эга эди.
Маълумотларга кўра, “Пафос” футболчиси учрашувнинг тўртинчи дақиқасидаёқ майдондан четлатилган. Шунга қарамай, “Қайрат” рақиб дарвозасини ишғол қила олмади.
“Қайрат” Чемпионлар лигасидаги навбатдаги учрашувини сафарда Италиянинг “Интер” клубига қарши ўтказади. Клуб келгуси ўйинда илк ғалабасини қўлга киритишга ҳаракат қилади.