Симеоне “Атлетико”нинг “Арсенал”га 0:4 ҳисобидаги мағлубиятини изоҳлади
Мадриднинг “Атлетико” жамоаси бош мураббийи Диэго Симеоне Чемпионлар лигасидаги Лондоннинг “Арсенал” клубидан 0:4 ҳисобида йирик мағлубиятдан сўнг ўз фикрини билдирди. “Атлетико” футболчилари 57-дақиқадан 70-дақиқагача тўртта гол ўтказиб юборди ва бунга жавоб бера олмади.
Симеоне учрашув бошида жамоаси яхши ўйин кўрсатганини таъкидлади. Унинг сўзларига кўра, 60-дақиқадан бошлаб “Арсенал” устунликка эришди ва тўлиқ устунлик қилди. Мураббий “Арсенал”ни бу мавсумда учрашган энг кучли рақиб деб атади.
Унинг фикрича, Лондон клуби ҳар бир майдон нуқтасида ўз устунлигини кўрсатди ва ғалабага муносиб бўлди. Симеоне жамоасига бу мағлубиятни унутиб, олдинга интилиш зарурлигини айтди.
У “Атлетико” ҳали ўз устида ишлашда давом этиши кераклигини ҳам қўшимча қилди. Ҳозирда “Атлетико” Чемпионлар лигаси гуруҳ босқичининг уч туридан сўнг уч очко тўплаган.
“Арсенал” эса барча учрашувларда ғалаба қозониб, тўққиз очко билан пешқадам бўлиб турибди.