Equinor vil droppe to prosjekt med kraft frå land
Høge kostnader gjer at Equinor legg vekk planane om å elektrifisere felta Snorre A og B i Nordsjøen utanfor Florø.
Det oppgir selskapet i eit brev som er sendt til Energidepartementet, og som E24 har sett.
Equinor gjennomfører for tida elektrifiseringsprosjekt på felta Snøhvit, Troll, Oseberg og Njord.
Elektrifiseringa er omstridd, fordi ho legg beslag på kraftressursane på land.
Måndag leverte Senterpartiet eit representantforslag i Stortinget om å stanse all ytterlegare elektrifisering av sokkelen med kraft frå land.