Маңғыстауда бұрғылау мұнарасы құлады: ТЖД не дейді?
Маңғыстау облысы ТЖД мәліметінше, бұл оқиға 9 шілде, сәрсенбіде шамамен 12:47-де болған.
"Тенге" кен орнында №553 ұңғымада "Petro НефтеГазСервис" ЖШС мердігер компаниясы бұрғылау мұнарасын жерге көлденең күйде түсіру жұмыстарын жүргізу кезінде екінші және жоғарғы үшінші секция арасындағы буын тұсында иілу болды", – деп түсіндірді өңірлік ТЖД.
Ведомствоның мәліметінше, зардап шеккендер жоқ.
"Бұл оқиға жіктеледі және Қазақстан Республикасының "Азаматтық қорғау туралы" заңына сәйкес қауіпті өндірістік нысанды пайдаланатын ұйым комиссиясы тарапынан тергеу жүргізіледі", – деп нақтылады Маңғыстау облысы ТЖД.
Сілтемесіз жаңалық оқисыз ба? Онда Telegram желісінде парақшамызға тіркеліңіз!