Դավիթ Խուդաթյանը Ստամբուլում հանդիպել է Թուրքիայի էներգետիկայի և բնական պաշարների նախարարին
Թուրքիայում անցկացվող Տրանսպորտային փոխկապակցվածության գլոբալ ֆորումին մասնակցելու նպատակով Ստամբուլում գտնվող Հայաստանի ՏԿԵ նախարար Դավիթ Խուդաթյանը հանդիպել է Թուրքիայի էներգետիկայի և բնական պաշարների նախարար Ալփարսլան Բայրաքթարին։
Հանդիպման ընթացքում, ըստ հաղորդագրության, քննարկվել են Հայաստանի և Թուրքիայի միջև էներգետիկայի ոլորտում համագործակցության հնարավոր ուղղությունները։
Անցած շաբաթավերջին էլ Թուրքիա էր այցելել Հայաստանի վարչապետ Նիկոլ Փաշինյանը, հանդիպել նախագահ Էրդողանի հետ: