Жаңбыр және жел: Қазақстанда алдағы демалыс күндері ауа райы қандай болады?
Қазгидромет 28, 29 және 30 маусымға арналған ауа райы болжамын жариялады, - деп хабарлайды Tengrinews.kz тілшісі.
Найзағай, нөсер және бұршақ: қай өңірлерде ауа райы бұзылады?
Метеорологтер мәліметінше, Қазақстан аумағының басым бөлігінде циклон мен онымен байланысты атмосфералық фронттардың ықпалы сақталады. Соның әсерінен жауын-шашынды ауа райы болады – найзағай ойнап, жаңбыр жауады, ал еліміздің батыс, солтүстік-батыс, солтүстік, шығыс және орталық өңірлерінде нөсер жауын мен бұршақ күтіледі.
Тек республиканың оңтүстігі мен оңтүстік-шығысында жауын-шашынсыз ауа райы болады деп күтіледі. Сондай-ақ желдің күшеюі болжанған, ал елдің оңтүстігінде құмды дауыл болады.
Ауа температурасы қандай болады?
Синоптиктер ауа температурасының айтарлықтай өзгерісін күтпейді. Күндізгі уақытта:
батыс, солтүстік-батыс және солтүстік өңірлерде +18…+28 градус;орталық пен шығыста +20…+33 градус;оңтүстік пен оңтүстік-шығыста +27…+38 градус күтіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!